STARTSIDE

 
Nytt frå Batalden Havbu 2021.                            Oppdatert 02.02.2021 
 
Dei faste gjestene og nokre nye har bestilt ferieopphaldet sitt sommaren 2021. Dei første kjem siste
halvdel av mai, men her er enno noko ledig innimellom. Så du er velkommen til å ta kontakt! 
 
I 2019 starta sesongen 26. mai med den tradisjonelle turen "Øyane over" med turlaget som arrangør.
Då var det også opning av Sommarutstillinga 2019 med dei populære Bergenskunstnarane Kjeld
og Alexander Stub. Korona og andre forhold gjorde at sesongen 2020 blei begrensa  og at det
ikkje blei større tilrettelagde turar eller sommarutstilling. I sommar reknar eg med det meste
blir som normalt.
 
Omvisingstilbod med muse- og galleribesøk.
Det er for grupper etter avtale.  Galleriet er ope dagleg. Ta kontakt viss du er på tur og har lyst på eit
galleribesøk før du drar tilbake.
 
DAGSLEIGE UTAN OVERNATTING.
Heile Gamlehuset blir sommaren 2021 i hovudsak brukt til kunst- og kulturformidling. Det kan også
leigast med alt utstyr du treng til dag- og kveldsarr.  Havbua kan også leigast på dagtid. Overnatting
blir tilpassa anna bruk av husa.
 
 
 
TILBAKEBLIKK 2014- 2018
SOMMAREN 2017.
Vi starta sesongen i midten av mai i 2017. Dei faste gjestene hadde funne sin plass i sine bygningar.
Somme måtte flytte på ferien sin, så nokre hus blei ledige for heilt nye gjester.
Det blei godver for det store turarr. "Øyane over" den 21. mai.
Slutten av sept. og oktober gjekk med til vedlikehald på sjøhusa, skifte av kledning og maling i elendig ver.
 
TILBAKEBLIKK 2016
Gjestesesongen starta opp i pinsa i mai 2016. Dei fleste faste gjestene var "booka" inn i skuleferien. Før og
etter den var det helst grupper som ynskjer 1 eller 2 døgn for familietreff,vennetreff, personaltur, blåtur m.m.
Desse gjestene bestiller gjerne først utpå vårparten.
SESONGSLUTT. 10. sept. drog vi opp båtane og avslutta sesongen for ferierande.Somme ønskte å samle
venner, familie eller kollegaer utan overnatting seinare på hausten. Då opna vi for det i Gamlehuset og       
Havbua.
UT PÅ TUR. Mange kom til øya for å bestige fjellet på nærare 500 m.o.h. I samarbeid med Fjordkysten
Reiseliv og turlaget er løypa til toppen delvis merka. Det er viktig at turfolk studerer detaljinfo med
kart om turen på kaia, særleg fordi starten på løypa er lagt om i forhold til tidlegare.
 
SOMMAREN 2015 
Det blei ein kald forsommar for gjestene som kom i slutten av mai og i juni. Det var m.a.
grupper på over 20 pers., som oldefaren som samla sine etterkommarar og Kirkens Bymisjon
i Bergen som arr. helgatur for dei frivillige medarbeidarane.
I aug.-sept. kom meir sommarlege temperaturar som freista dei faste gjestene til å starte bade-
sesongen, ta sine vante toppturar på Store Batalden og nyte livet i solnedgangen på sjøen.
Rett nok dukka det opp nokre regnbyger i blant. Men dei trekte seg som regel fort tilbake.
Krabben kraup villig inn i teinene, og godt fiske blei det for både store. Det ga mange gode
middags- og kveldsmåltid under opphaldet. Når fisket svikta, ordna dei lokale fiskarane det meste,
som kveite, sjøkreps eller breiflabb.
SESONGEN 2014
16. juni kom Dronning Sonja på besøk med Kongeskipet. Ho hadde med seg eit følgje av kunstfolk
knytta til grafikkprosjektet ho er ein del av. Dei fekk omvising og besøkte utstillinga mi i galleriet.  
Vi avslutta sesongen med haustgjester frå Kongsberg og Oslo og arr. for turnuslegar 14.okt.
Så var det å dra opp båtane og planlegge for neste sommarsesong. Det tydelegaste haustteiknet er at
dei store lønnetrea får nakne greiner. På bildet under speglar dei
seg saman med morgonhimmelen i vindaugsrutene i Gamlehuset. 
 
                   
   

SJØHUSA Litlebua, Midtbua og Havbua blei oppussa og måla utvendes i 2012. Midtbua fekk også nytt tak. 
GAMLEHUSET(Foto lenger nede) har endeleg fått fornya fasaden med kledning lik den opprinnelege frå 1840. 
Arka er fornya, og taket har fått ein del nye skiferheller.  
 Ikkje berre maritimt miljø, fjellknausar og hav. Rundt husa finn du ein frodig oase der akkeleier og 
 tusenfryd utfaldar seg fritt saman med storkenebb, soleie og jonsokblom. Godt å kunne bidra til å halde liv
 i humler og andre viktige insekt i naturen. Gamlehuset er endeleg ferdi restaurert, isolert og med historisk 
 rett kledning mot aust.
   
Utsikt mot Litle Batalden, Kinn og Alden
 


Batalden Havbu

Kontaktperson: Gunhild Bjelland
Adresse: Store Batalden, N-6917  Batalden
Telefon: +47 57 74 54 22
Mobil: +47 95 15 82 69. Lite mobildekning heime
Webside: www.bataldenhavbu.no
E-post: gunhild.bjelland@gmail.com
 
OPNINGSTID: Mai- sept.
OMVISING: Mai- sept.
             
 
004757745422
Vær




© LightWeb